‘बडे मियाँ छोटे मियाँ’ ले रिलिजको १३ औं दिनमा कति कमाइ गर्यो ?

काठमाडाैँ – बलिउड अभिनेता अक्षय कुमार र टाइगर श्राफको ‘बडे मियाँ छोटे मियाँ’ पनि सन् २०२४ को बहुप्रतिक्षित फिल्म हो । यो चलचित्र ईदको अवसरमा ठूलो अपेक्षाका साथ हलमा रिलिज भएको हो ।

फिल्मको बज हेर्दा यो एक्शन थ्रिलरले बक्स अफिसमा राज गर्ने र कमाईका सबै रेकर्ड तोड्ने देखिन्छ । तर, ‘बडे मियाँ–छोटे मियाँ’ ले दर्शकबाट खासै प्रतिक्रिया नपाएपछि रिलिज भएको दुई साता नपुग्दै फिल्म बक्स अफिसमा असफल भएको छ ।

‘बडे मियाँ छोटे मियाँ’ ले कति कमाइ गर्यो ?
ठूलो बजेटको फिल्म ‘बडे मियाँ छोटे मियाँ’ सन् २०२४ को सबैभन्दा ठूलो फ्लप बनेको छ । यो फिल्म रिलिज भएको दुई साता पनि बितिसकेको छैन र यसको कमाई करोडबाट लाखमा पुगेको छ । ‘बडे मियाँ छोटे मियाँ’ले साताका दिन हलमा दर्शक नपाएको अवस्था छ भने यो फिल्मले केही लाख कमाउन पनि संघर्ष गरिरहेको छ ।

फिल्मको कमाईको कुरा गर्दा ‘बडे मियाँ छोटे मियाँ’ ले रिलिजको पहिलो दिन १५ करोड ६५ लाख रुपैयाँको खाता खोलेको छ । त्यसपछि ‘बडे मियाँ छोटे मियाँ’ ले पहिलो साता ४९.९ करोडको व्यापार गरेको थियो ।

अहिले यो फिल्म रिलिजको दोस्रो हप्तामा छ । फिल्मले दोस्रो शनिबार १.७ करोड कमाएको थियो भने दोस्रो आइतबार २.२५ करोड कमाएको थियो। सोमबार ‘बडे मियाँ छोटे मियाँ’ ले ८५ लाख कमाएको थियो । अब यो फिल्मको रिलिजको १३ औं दिनको कमाईको प्रारम्भिक तथ्यांक आएको छ ।

योसँगै ‘बडे मियाँ छोटे मियाँ’को १३ दिनको कुल कमाई ५६ करोड ८० लाख पुगेको छ । ‘बडे मियाँ छोटे मियाँ’ दिवालिया भएको छ । तीन सय करोडभन्दा बढीको बजेटमा बनेको यो फिल्मले रिलिज भएको १३ दिन बितिसक्दा पनि आधा लागत छोडेर पनि ६० करोड कमाउन सकेको छैन ।

योसँगै यो फिल्मले केही लाख कमाउन पनि मुस्किल परेको छ, त्यसैले ‘बडे मियाँ छोटे मियाँ’लाई बक्स अफिसमा टिक्न गाह्रो छ । फिल्मको प्रदर्शनलाई हेर्दा यो अब पर्दाबाट बाहिर आएको देखिन्छ ।

‘बडे मियाँ छोटे मियाँ’लाई अली अब्बास जफरले निर्देशन गरेका हुन् । फिल्ममा टाइगर श्राफ, अक्षय कुमार, पृथ्वीराज सुकुमारन, मानुषी छिल्लर र अलाया एफको महत्वपूर्ण भूमिका रहेको छ ।