१४ तल्ले भवन भित्र बसेको अमेरिकाको एउटा शहर !

काठमाडौँ  – कुनै पनि नयाँ सहर स्थापना गर्न ठूलो जग्गा अधिग्रहण गर्नुपर्छ । त्यसपछि सो जग्गामा आवासीय आयोजनासँगै विद्यालय, बजार, अस्पताल, क्लब, मललगायतका सबै सुविधा ठूलो क्षेत्रमा तयार हुन्छन् । 

अब एउटै भवनमा पूरै सहर बसाउन सकिन्छ भनेर भनियो भने यो अपत्यारिलो नै लाग्न सक्छ । तर, विश्वको नक्सामा एउटा यस्तो सहर छ, जुन एउटा मात्र १४ तले भवनमा भित्र रहेको छ ।  यो भवन हो अमेरिकाको अलास्काको ह्वाइटियर टाउन । 

अमेरिकाको उत्तरी राज्य अलास्काको एउटा सानो सहर ह्वाइटियर १४ तले बेगिच टावर भित्र अवस्थित छ। उत्कृष्ट बसोबास र व्यवस्थाका कारण विश्वमै यस टावरको आफ्नै पहिचान छ । यो टावरमा अवस्थित भएकोले यसलाई ठाडो सहर पनि भनिन्छ।

बेगिच टावरमा जनताका लागि विद्यालय, अस्पताल मात्र नभई चर्च र बजार जस्ता आधारभूत आवश्यकताको पनि पूर्ण व्यवस्था गरिएको छ । साथै, एक प्रहरी चौकी पनि निर्माण गरिएको छ, जसमा कसैले कानुन उल्लङ्घन गरेमा उजुरी दर्ता गर्न प्रहरीहरू तैनाथ गरिएको छ।

भर्टिकल टाउनमा कति परिवार बस्छन् ?

भर्टिकल टाउन अर्थात् बेगिच टावरमा जम्मा २०० परिवार बस्छन्। यस भवनमा बस्ने परिवारहरूको लागि लुगा धुने र सामान्य स्टोरहरू पनि छन्। यस भवनमा मालिक र कर्मचारीहरू सँगै बस्छन्। पूर्ण सहर भएकाले बेगिच टावरमा सामान्य भवनभन्दा बढी सुविधा दिइएको छ । यही कारणले गर्दा यस भवनमा बस्ने मानिसको जीवनशैली अन्य ठाउँभन्दा निकै फरक छ ।

बेगिच टावरमा मानिसहरू कसरी बस्न थाले ?

बेगिच टावर अमेरिकाको शीतयुद्धको समयमा सेनाको ब्यारेक थियो। शीत युद्ध कालका धेरै रहस्यमय कुराहरू आजसम्म गोप्य नै छन् । शीतयुद्ध समाप्त भए पछि सर्वसाधारणले यस भवनमा आफ्नो घर बनाएका थिए । यस क्षेत्रको मौसम अधिकांश महिना धेरै खराब रहन्छ। जसका कारण यहाँका मानिसहरू अधिकांश समय बेगिच टावरमा बस्छन् । उनीहरू भवनबाट धेरै बाहिर निस्कन पाएका हुन्नन् ।

ह्वाइटियर टाउन कसरी पुग्ने ?

ह्वाइटियर टाउनबाट बेगिच टाउनमा पहुँच सजिलो छैन। अधिकांश समय खराब मौसमको कारण सडकबाट ठाडो सहर पुग्न धेरै गाह्रो छ। यसका साथै सडक सिधा नहुँदा पनि सर्वसाधारणलाई निकै समस्या हुने गरेको छ । सडक मार्गमा धेरै पहाडी सुरुङहरू र कठिन मार्गहरू पार गर्न आवश्यक छ। यस सहरमा पुग्न धेरैजसो मानिसले समुद्री मार्ग प्रयोग गर्छन्। वास्तवमा यो मार्ग सडक मार्ग भन्दा सजिलो छ। यो शहर अमेरिकामा यसको शिपिंग व्यवसायको कारण धेरै प्रसिद्ध छ।