फिल्म ‘एक्टर’को शुभमुहूर्त

काठमाडौँ –  प्रदीप खड्का, आना शर्माको मुख्य भूमिका रहने फिल्म ‘एक्टर’को शुभमुहूर्त गरिएको छ ।

उनीहरु सहित कलाकार दिव्या रायमाझी, दिव्य देव लगायतको उपस्थितीमा मङ्गलवार कार्यबिनायक मन्दिर भैँसेपाटीमा फिल्मको शुभमुहूर्त गरिएको हो ।

शुभमुहूर्त कार्यक्रममा दिव्या आकर्षणको केन्द्र बनेकी थिइन् । लामो समयदेखि चर्चामा रहेकी उनी पहिलोपटक मिडियासामु उपस्थित भएकी हुन् । फिल्ममा उनको जोडी प्रदीपसँग बाँधिनेछ ।

फिल्ममा अभिनेता राजवल्लभ कोइरालाको पनि अभिनय रहनेछ । कोइरालाले यसै फिल्मबाट अभिनयमा कमब्याक गर्न लागेका हुन् ।

एक्टर राजन भुसालको निर्देशन रहने फिल्म थमन कुमार भण्डारीको लगानीमा निर्माण हुन लागेको हो ।

अदृत फिल्मस्को ब्यानरमा बन्न लागेको फिल्मका सह–निर्मातामा एनिस भुसाल र सार्थक केसी रहेका छन् । २०२५ भित्र रिलिज गर्न लक्ष्य लिइएको यो फिल्म नरेन्द्र मैनालीले खिच्नेछन् ।