मुम्बई– अन्ततः सलमान खानको ‘बजरङ्गी भाइजान–२’ निर्माण हुने भएको छ ।
जसलाई लिएर पछिल्लो समय निर्माता केके राधामोहनले ‘बजरंगी भाइजान २’ को स्क्रिप्ट सकिएको बताइएको भारतीय मिडियाले उल्लेख गरेका छन् ।
उनका अनुसार ‘बजरङ्गी भाइजान २’ र ‘राउडी राठौर’ दुवै सिनेमाको सिक्वेलका स्क्रिप्ट पनि पूरा भइसकेको छ ।
बलिउड अभिनेता सलमान खानले सन् २०१५ को आफ्नो हिट फिल्म ‘बजरङ्गी भाइजान’ को सिक्वेल बनाउने घोषणा यसअघि नै गरेका थिए ।
निर्देशक एसएस राजामौलीको रिलिजको तयारीमा रहेको फिल्म ‘आरआरआर’ को मुम्बई प्रि–रिलिजमा पुगेका अभिनेता सलमानले ‘बजरङ्गी भाइजान २’ बनाउने घोषणा गरेका थिए ।
सलमानका अनुसार बजरङ्गी भाइजानको सिक्वेलको लेखन एसएस राजामौलीका पिता के भी विजयेन्द्रप्रसादले लेख्नेछन् ।
यो फिल्मको अघिल्लो संस्करण पनि विजयेन्द्रले नै लेखेका थिए । ‘बजरंगी भाइजान’का निर्देशक कवीर खान हुन् ।
अब यो फिल्म कहिले देखी सुटिङमा जान्छ भन्नेमा कुनै जानकारी दिइएको छैन । आगामी मे देखि सलमान खान ‘सिकिन्दर’ को सुटिङमा व्यस्त हुने भएकाले यसपछि मात्रै सलमान बजरङ्गीको सिक्वेलमा काम गर्न सक्ने भारतीय मिडियाले जनाएका छन ।
यो खबर पढेर तपाईलाई कस्तो महसुस भयो ?
प्रतिक्रिया