सिनेमा हलमा सय दिनसम्म चलेको बलिउडको त्यो फिल्म, जसको गीत अझै छ हिट

काठमाडौँ – पछिल्लो केही दशकमा बलिउडमा धेरै हिट फिल्म आए र यसले मानिसको मन जित्यो, जितिरहेको छ ।  

आज पनि धेरै फिल्महरू छन्, जुन मानिसहरूले हेर्छन् र मन पराउँछन्। जसले बलिउड ती बलिउड स्टारहरूलाई स्टारडम मात्रै दिएन कि दर्शकका नजरमा भगवान् समान नै बनायो ।  

 राजेश खन्ना पनि ती स्टारमध्ये एक थिए, जब उनको फिल्म रिलिज भयो, सिनेमाघरमा टिकट पाउन मुस्किल हुन्थ्यो भने फिल्म हेर्नको लागि मानिसहरू धेरै दिन पर्खिन बाध्य थिए । 

उनको एउटा चलचित्रले बक्स अफिसको सम्पूर्ण रेकर्ड ध्वस्त पारेको थियो । फिल्म लगातार सय दिनसम्म सिनेमा हलमा चलेको थियो ।

यस फिल्मको नाम थियो – आराधना । यसमा राजेश खन्नासँग दिग्गज अभिनेत्री शर्मिला टैगोर देखिएकी थिइन् । यो फिल्म रिलिजको लगत्तै हिट भयो, फिल्म केही समयमै ब्लकबस्टर साबित भयो।

यो फिल्म १९४६ को ‘आई कम टु इच माई ओन’ मा आधारित थियो। राजेश खन्नाका फ्यानहरू बाहेक अन्य मानिसले पनि यो फिल्मलाई धेरै मन पराएका थिए र जसका कारण यो फिल्म थिएटरबाट हटेन, यो चलन तीन महिना भन्दा बढी चल्यो। अर्थात् एउटै फिल्म सय दिनसम्म हलमा प्रदर्शन भइरहेको थियो ।

फिल्म एकदमै शानदार भएको र राजेश खन्ना र शर्मिला टैगोरको अभिनयले मानिसको मन जितेको हुनाले अवार्ड पाउने पक्का थियो । यी दुवै स्टारलाई यो फिल्मका लागि फिल्मफेयर अवार्ड दिइएको थियो भने फिल्मले अन्य अवार्ड पनि जितेको थियो । 

फिल्मको एउटा गीत पनि सुपरहिट भयो, जसको शब्द ‘मेरी सपनो की रानी कब आयेगी तू’ यो गीत तपाईले पनि सुन्नु भएकै होला ।

फिल्म यति हिट भयो कि यसलाई तेलुगुमा रिमेक गरियो। यो रिमेक पनि निकै हिट भयो । फिल्म केही महिना नभई झण्डै तीन वर्षसम्म देशभर प्रदर्शन भएको थियो ।