काठमाडाैँ – तरकारी खाँदा शरीर स्वस्थ रहन्छ। यसमा डाइटरी फाइबर, भिटामिन, मिनरल्स र एन्टिअक्सिडेन्ट पाइन्छ, जुन हाम्रो शरीरको लागि निकै महत्वपूर्ण हुन्छ। हामी सबै मौसम अनुसार तरकारी खान्छौं। मौसमी सागसब्जीलाई आफ्नो आहारमा समावेश गर्नु फाइदाजनक हुन्छ ।
तरकारी काँचो खाने कि पकाएर खानु फाइदाजनक हो भन्ने भ्रममा धेरै मानिस छन् । यदि तपाईलाई पनि थाहा छैन भने यहाँ जानुहोस् तरकारी खाने सहि तरिका…
तरकारी कुन बढी फाइदाजनक ?
तरकारी पकाउँदा भिटामिन सी जस्ता तत्वहरु नष्ट हुने धेरै मानिसहरुको भनाइ छ । यो पनि एकदम सही छ। त्यसैले केही तरकारी काँचो र केही पकाएर खानुपर्छ ।
काँचो तरकारी खानुका धेरै फाइदा हुन्छन् र उमालेको तरकारी पनि शरीरको लागि फाइदाजनक हुन्छ त्यसैले दुवै प्रकारको तरकारी खानु शरीरको स्वास्थ्यका लागि राम्रो मानिन्छ । तर, यो तरकारी को प्रकार मा निर्भर गर्दछ।
काँचो तरकारी खानुका फाइदाहरु
तरकारीमा फाइबर पाइन्छ, जसले पाचन प्रणालीलाई बलियो बनाउँछ। यसले पेट छिट्टै भर्छ र लामो समयसम्म भोक नियन्त्रणमा राख्छ ।
काँचो तरकारी खाँदा तौल घट्छ । यसले मेटाबोलिज्मलाई गति दिन्छ, जसले तौल घटाउन मद्दत गर्छ।
काँचो तरकारीहरूले खराब कोलेस्ट्रोलको स्तर घटाउन पनि महत्त्वपूर्ण भूमिका खेल्छ। यसबाट तपाई खराब कोलेस्ट्रोलको हानिबाट बच्न सक्नुहुन्छ।
तरकारी पकाएर खानुका फाइदाहरु
उमालेको वा पकाएको तरकारी खाँदा सजिलै पचिन्छ।
पकाएको तरकारी खाँदा एसिडिटी, कब्जियत र पेट फुल्ने जस्ता समस्या हुँदैन।
उमालेको तरकारीमा धेरै कम क्यालोरी हुन्छ, यसलाई खाँदा तौल घट्छ र मोटोपना बढ्दैन।
तरकारी पकाउँदा त्यसले हानी पु¥याउने सम्भावना कम हुन्छ । यसले पेटको संक्रमण वा ब्याक्टेरियाको क्षतिलाई रोक्न सक्छ।
यो खबर पढेर तपाईलाई कस्तो महसुस भयो ?
प्रतिक्रिया