काठमाडाैँ – दीपिका पादुकोण बलिउडकी सबैभन्दा लोकप्रिय, सुन्दर र प्रतिभाशाली अभिनेत्री हुन् । आफ्नो अभिनय क्षमता प्रमाणित गरिसकेकी दीपिका पादुकोणले आफ्ना फ्यानहरूको मन जित्न कुनै कसर बाँकी राख्दैनन् ।
हालै नायिकाले आफु गर्भवती भएको घोषणा गरेकी छिन् । अहिले गर्भावस्थासँगै उनी काममा पनि व्यस्त छिन् । गर्भवती भएपछि अधिकांश अभिनेत्रीहरु कामबाट टाढै रहे पनि दीपिका पादुकोणले आफ्नो कामको प्रतिबद्धता पूरा गरिरहेकी छिन् ।
दीपिका आफ्नो आगामी फिल्म ‘सिंघम अगेन’ को सुटिङमा व्यस्त छिन् । गर्भावस्थाको छुट्टी अर्थात् बेबीमुनबाट फर्कने बित्तिकै उनले काम गर्न थालेकी छिन्, दीपिकाको बेबी बम्पको तस्बिर अगेनको सेटबाट बाहिरिएकाे छ ।
सार्वजनिक भएको तस्विरमा दीपिका पादुकोण प्रहरी वर्दीमा देखिएकी छिन् । खाकी वर्दी र कालो चश्मा लगाएकी उनी पूर्णतया ‘सिंघम गर्ल’ जस्तै देखिएकी छिन् । उनी सेटमा बलियो अवतारमा देखिएकी छिन् । उनीसँगै फिल्मका निर्देशक रोहित शेट्टी पनि सेटमा देखिएका छन् ।
गर्भावस्थाको घोषणापछि अभिनेत्रीको पहिलो तस्विर सार्वजनिक भएको छ, जसमा उनको बेबी बम्प देखिएको छ । बाहिर आएको यो तस्विरमा फ्यानहरूले खाकी युनिफर्ममा बेबी बम्प देख्न सक्छन् । यस्तो अवस्थामा पनि अभिनेत्रीलाई सुटिङ गरेको देखेर फ्यानले उनको तारिफ गरिरहेका छन् ।
दीपिका आफ्नो काममा कम्प्रोमाइज गर्दैनन् र उनी निकै मेहनती छिन् भन्ने मानिसहरु बताउँछन् । तपाईलाई भनौं, ‘सिघम अगेन’ एक एक्सन फिल्म बन्न गइरहेको छ र यस फिल्ममा अभिनेत्रीको ठोस स्टाइल देखिनेछ ।
स्मरण रहोस् कि २९ फेब्रुअरीमा दीपिका पादुकोणले इन्स्टाग्राम पोस्टमार्फत आफ्नो गर्भावस्थाको खबर संसारलाई दिएकी थिइन् । पोस्टमार्फत उनले सेप्टेम्बर महिनामा घरमा बच्चाको हाँसो गुञ्जिने बताएकी थिइन् ।
दीपिका पादुकोण गत वर्ष दुई सुपरहिट फिल्ममा देखिएकी थिइन् । जसमा शाहरुख खानको ‘जवान’ र ‘पठान’ समावेश थिए । हाल उनी आफ्नो गर्भावस्थाको समयमा पनि मल्टिस्टार फिल्म ‘सिंघम अगेन’ को सुटिङ पनि गरिरहेकी छिन्, जसमा उनको एक्सन अवतार देखिने छ । यस फिल्ममा दीपिका पादुकोणसँग अजय देवगन, रणवीर सिंह, करिना कपूर, अक्षय कुमार र टाइगर श्राफ पनि देखिनेछन् ।
यो खबर पढेर तपाईलाई कस्तो महसुस भयो ?
प्रतिक्रिया