अभिनेत्री आँचल शर्मा नेपालकी व्यस्त अभिनेत्रीमध्ये एक हुन् । चलचित्र ‘नाइँ नभन्नु ल ४’ बाट रजतपटमा डेब्यु गरेकी आँचलले शत्रु गते, दाल भात तरकारी, डिग्री माइला लगायतका चलचित्रमा अभिनय गरेर चर्चा कमाएकी छिन् ।
सामाजिक सञ्जालमा पनि उनको लोकप्रियता उत्तिकै छ । उनले सामाजिक सञ्जालमार्फत तस्वीरहरू सार्वजनिक गरिरहेकी हुन्छिन् । केही समयअघि उनले सार्वजनिक गरेका केही तस्वीरहरुले चर्चा कमाएका थिए ।
यतिबेला भने आँचलले अभिनय गरेको फिल्म ‘डिग्री माइला’ फिल्म हलमा प्रदर्शन भइरहेको छ । उक्त फिल्ममा उनले दयाहाङ राईसँग जोडी बाँधेकी छिन् । यो फिल्ममा उनले गरेको अभिनयको तारिफ समेत भइरहेको छ ।
