कन्नड फिल्म निर्माता सौन्दर्या जगदिश मृत फेला

काठमाडौँ – कन्नड फिल्म निर्माता सौन्दर्या जगदिश आफ्नै घरमा मृत फेला परेका छन् । 

५५ वर्षीय उनी बेङ्लोरस्थित आफ्नै घरमा मृत फेला परेको भारतीय सञ्चारमाध्यमहरूले जनाएका छन् ।  उनले आइतबार बिहान ४ बजे आत्महत्या गरेको बताइएको छ ।

तर उनले  आत्महत्या गरेको जनाइएको भए पनि के कारणले आत्महत्या गरे भन्ने बारे केही खुलेको छैन। प्रहरीले घटनाको जाँच गरिरहेको छ। 

प्रहरीले उनी केही समयअघिबाट तनावमा रहेको र त्यसलाई कम गर्न औषधि सेवन गर्दै आइरहेको समेत जनाएको छ । त्यसमाथि पनि अनुसन्धान भइरहेको प्रहरीले जानकारी दिएको छ।

एक छोरा र छोरी रहेका उनी  ‘अप्पू पप्पू’ तथा ‘स्नेहितारु जस्ता सिनेमाका लागि परिचित थिए।