काठमाडौँ – बारम्बार ज्यान मार्ने धम्की खेपिरहेका बलिउड अभिनेता सलमान खानको घर बाहिर गोली चलेको छ ।
आइतबार बिहान करिब ५ बजे बान्द्रास्थित खानको घर बाहिर दुई अज्ञात व्यक्तिले गोली चलाएको भारतीय सञ्चार माध्यमहरूले जनाएका छन् ।
समाचार एजेन्सी एएनआईका अनुसार मुम्बई पुलिसले तीन राउण्ड फायरिङ भएको जानकारी पाएको थियो।
घटनापछि मुम्बई प्रहरीको अपराध शाखा घटनास्थलमा पुगेर अनुसन्धान थालेको छ भने सलमान खानको घरबाहिर प्रहरी र फोरेन्सिक विभागको टोली उपस्थित छ।
गोली प्रहार भएको ठाउँमा चिन्ह लगाइएको छ । साथै प्रहरीले उनको घर वरपर सुरक्षा समेत बढाएको छ ।
उनको घरछेउका सिसिटिभी फुटेज सङ्कलन गरेर अनुसन्धान भइरहेको प्रहरीलाई उदृध गर्दै भारतीय सञ्चार माध्यमहरूले बताएका हुन् ।
यो खबर पढेर तपाईलाई कस्तो महसुस भयो ?
प्रतिक्रिया