‘एलियन्स’को खोजीमा नासाको नयाँ मिसन 

काठमाडौँ – एलियन्स बारे अध्ययन गर्ने उद्देश्य अमेरिकी अन्तरिक्ष एजेन्सी नासाको नयाँ मिसन घोषणा भएको छ ।  ‘क्लिपर’ नामक उक्त मिसन अक्टोबरमा उड्ने छ। 

यो हाम्रो सौर्य मण्डलको सबैभन्दा ठूलो ग्रह, बृहस्पतिका धेरै चन्द्रमाहरू मध्ये एक युरोपाको यात्रामा प्रस्थान गर्नेछ। जहाँ जीवनको सम्भावना हुनसक्ने वैज्ञानिकहरूको भनाइ रहँदै आएको छ । 

बृहस्पतिको उपग्रह युरोपामा ठूलो मात्रामा बरफसहितको पानी रहेको विश्वास गरिन्छ।  क्लिपरलाई बृहस्पति र युरोपाको कक्षमा पुग्न ५ वर्ष लाग्ने अनुमान गरेका छन्। त्यसपछि सो यानले युरोपाको अध्ययन शुरु गर्ने छ । 

यसले ब्रह्माण्डमा जीवनको अस्तित्व कत्तिको सजिलो छ भनेर बुझ्न पनि सजिलो बनाउनेछ। पाँच अर्ब डलर बजेटको यो क्लिपर प्रोब हाल क्यालिफोर्नियामा नासाको जेट प्रोपल्सन प्रयोगशालामा  छ। 

जसलाई इलन मस्कको कम्पनी स्पेसएक्सको फाल्कन हेभी रकेटमा प्रक्षेपण गरिनेछ। युरोपाको जमेको पानीको अन्वेषण गर्न क्लिपरमा क्यामरा, स्पेक्ट्रोमिटर, म्याग्नेटोमिटर र राडार जस्ता उपकरणहरु जडान गरिएको छ। 

तिनीहरू बरफमा प्रवेश गर्न सक्छन् ताकि तरल पानीसँगै, त्यहाँ बरफ कति बाक्लो छ भनेर पत्ता लगाउन सकिन्छ।