यस्तो छ हलिउड फिल्म जोकर २ को ट्रेलर

काठमाडौँ – हलिउड फिल्म जोकर २ को ट्रेलर सार्वजनिक भएको छ । चर्चित अभिनेता जोकिन फिनिक्स र लेडी गागाको आगामी फिल्म ‘जोकरः फोली अ ड्युक्स’ को पोस्टर केही समयअघि सार्वजनिक भएको थियो ।

पोस्टर रिलिज भएसँगै यो फिल्मलाई लिएर फ्यानहरु निकै उत्साहित भएका छन् । योसँगै अब फिल्मको ट्रेलर पनि सार्वजनिक भएको छ । फिल्म ‘जोकरः फोली ए डु’ अर्थात् ‘जोकर २’ अक्टोबर ४ देखि प्रदर्शन हुनेछ ।

२ मिनेट २५ सेकेन्डको ट्रेलरमा खामोश आँखा र बदला जस्तो गहन भाव भएको अनुहारमा आर्थर ‘जोकिन फिनिक्स’ को हाँसोलाई देखाइएको छ।

ट्रेलरको सुरुमा आर्थर (जोकिन फिनिक्स) जेलमा देखाइएको छ। जहाँ गार्डले ठट्टा गर्दै उसलाई जोक सुनाउन आग्रह गर्छ । यसैबीच, दोस्रो शटमा, हार्ले आर्थरलाई भेट्न जान्छ। त्यसपछि उनले उनलाई जेलबाट भाग्न सोध्छन्। त्यसपछि दुवैजना चाँदनीमा संगीत संग नाचिरहेका देखिन्छन् । माया, रिस, खुशी, पीडा लगायतका धेरै भावनाले भरिएको यो ट्रेलरले दर्शकलाई फिल्म हेर्नको लागि थप उत्साहित बनाएको छ ।

निर्देशक टड फिलिप्स निर्देशित फिल्म ‘जोकर २’ सन् २०१९ को मनोवैज्ञानिक थ्रिलर फिल्म ‘जोकर’ को सिक्वेल हो । अघिल्लो चलचित्र जस्तै यस पटक पनि चलचित्रमा संगीतलाई प्रशस्त स्थान दिइएको छ ।