‘हिरामाण्डी’को धमाकेदार ट्रेलर सार्वजनिक

काठमाडौँ – सञ्जय लीला भन्सालीको बहुप्रतिक्षित आगामी शृङ्खला ‘हिरामाण्डीः द डायमण्ड’ को धमाकेदार ट्रेलर सार्वजनिक भएको छ । सार्वजनिक ट्रेलरमा पाकिस्तानको शाही इलाका हिरामण्डीमा आधारित यो श्रृंखलामा प्रेम, शक्ति र स्वतन्त्रताको लडाइ देखाइएको छ ।

ट्रेलरमा यौनकर्मीको जीवनलाई चित्रण गरिएको छ, जहाँ धेरै रहस्य देखिन्छ । यस ट्रेलरमा मनिषा कोइरालाको स्वरमा दमदार संवाद रहेको छ, ‘हिरामण्डीमा बेलायतको होइन मल्लिकाजनको सिक्का चल्छ । त्यसैगरी अदिति राव हैदरीको मुखबाट क्रान्तिको सुन्दा स्वतन्त्रताको लडाइँमा गणिकाको शक्ति र साहसको झलक मिलिरहेको छ ।

सिरिजलाई भन्साली र मिताक्षरा कुमारले निर्देशन गरेका हुन् । भन्साली यो सिरिजमार्फत ओटीटी डेब्यू गर्दैछन् । सिरिजमा सोनाक्षी सिन्हा, मनिषा कोइराला, अदिति राव हैदरी, ऋचा चड्डा, अध्यायन सुमन, शेखर सुमन, फरदीन खान, सञ्जीदा शेख र तह शाह बदुशाको मुख्य भूमिका छ ।

३ मिनेट ११ सेकेण्डको यो ट्रेलर थ्रिलले भरिपूर्ण छ, जसले दर्शकलाई ‘हिरामाण्डी’ को दुनियाँमा परिचय गराउँदैछ । ‘हीरामण्डी’मा मल्लिकाजन ‘मनिषा कोइराला’ हिरामण्डीमा शासन गर्छिन्। उनी निडर छिन्, बिना डर ​​आफ्नो शासन चलाउँछिन्, तर एक दिन उनको पुरानो शत्रुकी छोरी फरीदान ‘सोनाक्षी सिन्हा’ ‘को आगमनले त्यहाँ तनावको वातावरण सिर्जना हुन थाल्छ।

उनी विद्रोह सुरु गर्छिन् र त्यसपछि शहर बाहिर पनि अराजकता हुन्छ। क्रान्तिकारीहरूले ब्रिटिश शासनबाट भारतको स्वतन्त्रताको माग गरिरहेको ट्रेलरमा देख्न सकिन्छ ।