कहिले सार्वजनिक हुन्छ अल्लु अर्जुनको ‘पुष्पा २ : द रुल’ को टिजर ?

काठमाडौँ – साउथ सुपरस्टार अल्लु अर्जुनको आगामी  फिल्म  ‘पुष्पा २ः द रुल’ अहिले धेरैले प्रतिक्षा गरिरहेका छन् । 

सन् २०२१ मा रिलिज भएको फिल्म ‘पुष्पः द राइज’ बाटै दर्शकको मन जितेका उनको याे फिल्म पनि ब्लकबष्टर हुने आशा गरिएको छ । यसैबीच  यस फिल्मको  टिजर सार्वजनिक हुने भएको छ ।

अभिनेताले आफ्नो जन्मदिनको अवसरमा फिल्म ‘पुष्पा २ द रुल’ को टिजर रिलिज गर्ने जानकारी उनले इन्स्टाग्राम मार्फत फ्यानहरूलाई दिइसकेका छन् ।

 अल्लु अर्जुनले यही अप्रिल ८ मा आफ्नो ४२ औँ जन्मदिन मनाउँदै छन् । उनका सबै फ्यानहरू उनको जन्मदिनको प्रतीक्षामा छन् किनभने यही दिन ‘ पुष्पा २ः द रुल’ को टिजर रिलिज हुँदै छ ।  

अल्लु अर्जुनले फिल्म ‘पुष्पा २ः द रुल’को अर्को पोस्टर सेयर गरेका थिए । यो पोस्टर सेयर गर्दै उनले लेखेका छन्, ‘पुष्पा २ः द रुल’को टिजर सोमवार बिहान ११.०७ बजे। अर्थात ८ अप्रिलमा आउनेछ । सोसँगै यो दिन अल्लु अर्जुनले आफ्नो ४२ औँ जन्मदिन मनाउने छन् ।

 यो पोस्टरमा अल्लु अर्जुन आफ्नो ‘पुष्पा’ स्टाइलमा बसेका छन् । उनको हातमा बन्चरो छ र केही मानिस उनको पछाडि उभिरहेका छन्।  ‘पुष्पा’ जसमा बसेको छ, त्यो सिंहासन जस्तो देखिन्छ । गत वर्ष अल्लु अर्जुनको जन्मदिनमा फिल्मको पहिलो टिजर रिलिज भएको थियो ।

‘पुष्पा २ द रुल’ यसै वर्षको अगस्ट १५ मा रिलिज हुँदै छ । फिल्मको अल्लु अर्जुन अर्थात् पुष्पा र रश्मिका मन्दना अर्थात् श्रीवल्लीको फर्स्ट लुक सेयर गरिएको छ ।