यस्तो छ केकी अभिनित फिल्म ‘बोक्सीको घर’को ट्रेलर (भिडियो)

काठमाडौँ – फिल्म ‘बोक्सीको घर’को ट्रेलर सार्वजनिक भएको छ । केकी अधिकारीको शीर्ष भूमिका रहेको फिल्मको आइतबार राजधानीमा सार्वजनिक गरिएको हो ।

आयोजित ट्रेलर सार्वजनिक कार्यक्रममा केकी क्यारेक्टर लुक्समै उपस्थित थिइन् । २ मिनेट ३० सेकेण्ड लामो ट्रेलरमा कथावस्तु, सेटिङ र चरित्र चित्रणबारे प्रकाश पारिएको छ ।

वास्तविक घटनाक्रमलाई आधार बनाएर सुलक्षण भारतीले निर्देशन गरेको फिल्ममा कथित बोक्सीको भूमिकाका लागि केकीले जीवन्त अभिनय गरेकी छन् । अन्धविश्वास र पितृसत्तात्मक सोचले जकडिएको एक नेपाली गाउँको कथावस्तु यसमा छ ।

ट्रेलर हेर्दा फिल्मको घटनाक्रम र चरित्र चित्रणमा मिहेनत गरेको देख्न सकिन्छ । बोक्सीको नाममा महिलामाथि हुने हिंसा, आधारभूत मानवअधिकार, मानसिक स्वास्थ्यको प्रश्न फिल्मले उठाएकाे छ ।

केकीको होमप्रोडक्सन केकी अधिकारी फिल्म्सको ब्यानरमा निर्माण भएको यो फिल्मलाई बद्री अधिकारीले निर्माण गरेका हुन् । फिल्ममा सुपला सापकोटा, सुलक्षण, रमा थपलिया, सुष्मा निरौला, जीवन बराल, सविन बाँस्तोलाको पनि अभिनय छ । यो फिल्म बैशाख १४ गते प्रदर्शन तयारीमा छ ।

भिडियो: