के तपाई पनि खाना पछि अलैंची खानुहुन्छ ?

काठमाडौँ – खानापछि अलैंची चपाउने धेरै मानिस छन् । तपाईमा पनि यस्तो बानी छ भने जान्नुहोस यसको फाइदा र बेफाइदा ? धेरै मानिसहरू खाना पछि अलैंची खान्छन् किनभने तिनीहरू विश्वास गर्छन् कि यो खानाले खाना पचाउन सजिलो हुन्छ ।

अलैंचीको दाना, तेल र अर्कमा धेरै औषधीय गुणहरू पाइन्छ । २ वटा मात्रै अलैंची खाँदा धेरै स्वास्थ्य लाभ हुन्छ । अलैंचीले माउथ रिलिभरको काम गर्छ । साथै, यसले पाचन शक्तिलाई पनि बढाउँछ।

अलैंची एक प्राकृतिक र सुगन्धित माउथ फ्रेसनर हो । अलैंची खाएपछि सास गन्हाउनु भयो भने त्यो पनि हट्छ । साथै, यसले पाचन प्रणालीलाई पनि बलियो बनाउँछ। जसले गर्दा खाना पचाउन सजिलो हुन्छ ।

अलैंचीमा एन्टिअक्सिडेन्ट प्रशस्त मात्रामा पाइन्छ । जसले मांसपेशीलाई बलियो बनाउँछ । राति खाना खाइसकेपछि अलैंची खाँदा राम्रो निन्द्रा लाग्छ ।

अलैंचीमा पोटासियम र म्याग्नेसियम दुवै पाइन्छ जसले धेरै समस्याबाट छुटकारा दिन्छ । जस्तै– मुटु रोग, उच्च रक्तचाप, कब्जियत, ग्यास, एसिडिटी, दममा फाइदाजनक हुन्छ ।