यो रुखबाट निस्कन्छ प्राण वायु, घरको कति नजिक रोप्ने ?

काठमाडौँ – हिन्दू धर्ममा पीपललाई देव वृक्ष अर्थात् देवताहरूको रुख मानिएको छ । स्कन्द पुराणमा भनिए अनुसार पीपलको बोटमा देवीदेवताहरूको वास हुन्छ ।

पीपल भगवान् विष्णुको जीवन्त एवं पूर्णतः मूर्तिमान स्वरूप हो । गीतामा कृष्णले भनेका पनि छन्, वृक्षहरूमा म पीपल हुँ । यसकारण हिन्दू धर्मावलम्बीहरू पीपलको सेवा, स्याहार एवं पूजा गर्दछन् ।

मान्यताअनुसार पीपलको आराधना गर्नाले सम्पूर्ण देवीदेवताको आशीर्वाद प्राप्त हुन्छ । मानिसहरू निरोगी हुन्छन् भने पीपलको रुख रोप्नेहरूको कहिल्यै वंशनाश हुँदैन । योगी तथा ऋषिमुनिहरू पनि पीपलकै बोटमुनि तपस्यारत हुन रुचाउँछन् । पीपलको महत्व धार्मिक दृष्टिले मात्रै छ त ? होइन, यो रुखको ज्योतिष, आयुर्वेद एवं वैज्ञानिक दृष्टिले समेत उत्तिकै ठूलो महत्व छ

पीपलको रुखलाई भगवान रुख पनि भनिन्छ । हिन्दु धर्ममा पिपलको रुखलाई लिएर धेरै मान्यताहरु प्रचलित छन् । पीपलको रुखमा आत्माहरू बस्छन् भनी मानिसहरू भन्छन्।

त्यसैले राती पीपलको रुखमुनि सुत्न निषेध गरिएको छ । तर कतिपयले वैज्ञानिक तर्क दिन्छन् र भन्छन् । पीपलको रूखले राती कार्बन डाइअक्साइड छोड्छ।

त्यसैले राती पीपलको रुखमुनि बस्न निषेध गरिएको छ । तर हामी तपाईलाई बताउन चाहन्छौं कि पिपल रूख ती रूखहरू मध्ये एक हो जसले रातमा पनि अक्सिजन दिन्छ। २४ घण्टा अक्सिजन दिने रुखमध्ये पीपलको रुख पनि एक हो । पीपलको रुखले एक वर्षमा करिब १०० किलो अक्सिजन दिन्छ ।

त्यसैले घरको वरिपरि पीपलको रुख धेरै फाइदाजनक हुन्छ । घरबाट कम्तिमा ५० मिटर टाढा पीपलको रुख लगाउनुपर्छ ।वास्तु अनुसार घरको अगाडि पीपलको रुख लगाउनु हुँदैन । घरमा पीपलको रुखको छाया पनि पढ्नु हुँदैन । त्यसैले पीपलको रुख निश्चित दूरीमा मात्र रोप्नुपर्छ ।