अभिनेत्री नम्रता श्रेष्ठ सन् २००८ मा प्रदर्शनमा आएको फिल्म ‘सानो संसार’ मार्फत रजतपटमा पाइला टेकिन् । यो फिल्मबाट उनको अभिनयको तारिफ समेत भयो ।
नम्रताले पछिल्लो समय धेरै सिनेमामा अभिनय गरेको पाइँदैन । तर, उनले अभिनय गरेका सिनेमाले एक खालको हाइप बनाउँछन् । लभस्टोरी सिनेमामा उनलाई दर्शकले खुबै रुचाए पनि उनले एक्सन सिनेमामा समेत काम गरिन् ।
उनले सानो संसार, मेरो एउटा साथी छ, छड्के, प्रसाद लगायतका चलचित्रमा अभिनय गरेकी छन् । उनी नेपाली चलचित्र जगतमा आउनुभन्दा पहिले रङ्गमञ्च र म्युजिक भिडियोमा समेत काम गरेकी थिइन् ।
