‘फर्की फर्की’को फस्टलुक रिलिज

काठमाडौँ – अनमोल केसीको जन्मदिनको अवसर पारेर  फिल्म ‘फर्की फर्की’को फस्ट लुक सार्वजनिक गरिएको छ । 

नयाँ वर्षको जेठ १० गतेबाट रिलिजमा आउन लागेको फिल्मको फस्ट लुकमा अनमोल मात्र स्थान दिइएको छ ।

अनमोलका यसअघिका फिल्मको भन्दा यो पटक पोस्टर फरक छ । अनमोलले केहि साेचिरहेकाे देखिन फिल्मको फस्ट लुक हेर्दा फिल्मले समयको कथा भन्छ भन्ने अड्कल लगाउन सकिन्छ ।

लभ स्टोरी जनरामा बनेको यो फिल्मलाई ओम प्रकाश अग्रवालसँग मिलेर रोहित अधिकारीले निर्माण गरेका हुन् । फिल्ममा मनोज ओली र रामु न्यौपाने सह–निर्माताको रूपमा छन् ।

सुयोग गुरुङको निर्देशन रहेको फिल्ममा अनमोलको अलावा जसिता गुरुङ, रवि काफ्ले, समृद्धि अर्याल, कृष्ण मल्ल, निर्मल शर्मा लगायतका कलाकारको अभिनय देख्न सकिन्छ ।