सलमानसँग डेब्यु गर्ने कृतिको सपना अधुरै

काठमाडौँ – बलिउड अभिनेत्री कृति सेनन पछिल्लो समय आफ्नो नयाँ फिल्म ‘क्रू’ लाई लिएर चर्चामा छिन् । यो फिल्मको रिलिज बीचमा उनले आफू ठूलो सोच्ने बताएकी छिन् । उनले आफ्नो एउटा सपनाको बारेमा बताएकी छन्, जुन सलमान खानसँग सम्बन्धित छ । तर, उनको त्यो सपना अहिले पूरा हुन सकेको छैन ।

कृति करिब १० वर्षदेखि बलिउडमा काम गरिरहेकी छिन् । उनले हालसम्म धेरै फिल्ममा काम गरेर दर्शकको मन जित्न सफल भएकी छन् । अहिले उनी आफ्नो नयाँ फिल्म ‘क्रू’ को कारण चर्चामा छिन् । उनको फिल्म मार्च २९ मा थिएटरमा रिलिज भएको थियो, जसमा करिना कपुर र तब्बु पनि देखिएका छन् । यस फिल्मको चर्चाको बीचमा कृतिले एक न्यूज च्यानललाई दिएको अन्तर्वार्तामा सलमान खानसँगको आफ्नो सपनाको बारेमा कुरा गरेकी छिन् ।

कृतिले आफूले ठूलो सोच्ने बताइन् । उनको सपना धेरै ठूला छन् । उनले यो पनि बताइन् कि एक समय उनलाई सलमान खानसँग डेब्यु गर्ने सोच थियो । यसबारे धेरै सोच्ने गरेको उनी बताउँछिन् । तर, सलमानसँग डेब्यु गर्ने कृतिको सपना अधुरै भएपनि उनले आफ्नो उत्कृष्ट कामले दर्शकको मनमा ठाउँ बनाएकी छिन् ।

उनले सन् २०१४ मा रिलिज भएको फिल्म ‘हिरोपन्ती’ मार्फत बलिउडमा प्रवेश गरेका थिए । यस फिल्ममा उनीसँगै टाइगर श्राफ देखिएका थिए । यसैबीच अन्तर्वार्तामा कृतिलाई राजनीतिमा प्रवेश गर्ने बारे पनि सोधिएको थियो । उनी पनि कंगना जस्तै राजनीतिमा प्रवेश गर्ने कि भनेर सोधिएको थियो । यसमा उनले केही बोलेकी छैनन् ।

तर, ‘क्रू’ एक कमेडी ड्रामा फिल्म हो, जसको निर्देशन राजेश ए कृष्णनले गरेका छन् । यो फिल्मको प्रारम्भिक समीक्षा अनुसार दर्शकले यो फिल्मलाई मन पराएका छन् । तीनै अभिनेत्रीको अभिनयलाई पनि मानिसहरुले रुचाइरहेका छन् ।