नो एन्ट्रीको सिक्वेलमा ३ नायक ६ अनुहार !

काठमाडौँ – सलमान खान, अनिल कपूर र फरदीन खानको सुपरहिट फिल्म ‘नो एन्ट्री’ को सिक्वेल आउन लागेको छ । यो फिल्म सन् २०२५ सम्ममा हेर्न सकिने बताइएको छ । तर, सलमानका फ्यानका लागि एउटा नराम्रो खबर छ । फिल्मको सुटिङ र रिलिजको बारेमा पनि अपडेट आएको छ ।

सन् २००५ मा रिलिज भएको फिल्म ‘नो एन्ट्री’लाई मानिसहरुले मन पराएका थिए । यो फिल्म बक्स अफिसमा सुपरहिट भएको थियो । यो तस्विर रिलिज भएको १९ वर्ष भैसक्यो । यसको सिक्वेलको चर्चा लामो समयदेखि भइरहेको छ । अब सिक्वेलसँग सम्बन्धित केही जानकारी पनि बाहिर आएको छ ।

सलमान खान, अनिल कपूर र फरदीन खान ‘नो एन्ट्री’ मा देखिएका थिए । गत महिना एक रिपोर्टलाई उद्धृत गर्दै यी तीनजना ‘नो एन्ट्री’ को दोस्रो भागको हिस्सा नहुने बरुण धवन, अर्जुन कपूर र दिलजीत दोसांझको ठाउँमा देखिने बताइएको थियो । अहिले अर्को रिपोर्टबाट यस्तै कुरा बाहिर आएको छ ।

यसपटक निर्माताहरु दोहोरो धमाकाको तयारीमा छन् । वास्तवमा यो फिल्ममा वरुण, अर्जुन र दिलजीत तीनै जना दोहोरो भूमिकामा रहने रिपोर्टमा बताइएको छ । निर्देशक अनीस बज्मीका अनुसार ‘नो एन्ट्री’ को सिक्वेलमा हामीले ३ नायक र ६ अनुहारहरू देख्नेछौं।

निर्देशक बज्मी अहिले फिल्म ‘भूल भुलैया ३’ को सुटिङमा व्यस्त छन् । त्यसपछि उनले यसका लागि अभिनेत्री खोज्नेछन् । त्यसपछि अभिनेत्री फाइनल भएपछि फिल्मको छायांकन सुरु हुनेछ समाचार स्राेतले उल्लेख गरेकाे छ।

चलचित्रको सुटिङ कहिले सुरु हुन्छ ?
यो फिल्मको सुटिङ सन् २०२५ को सुरुमा हुने बताइएको छ । फिल्मका निर्माता बोनी कपूर यो फिल्म २०२५ मा नै रिलिज गर्न चाहन्छन्, किनभने अर्को वर्ष ‘नो एन्ट्री’ रिलिज भएको २५ वर्ष हुने भएकाले उनी त्यो अवसरलाई यादगार बनाउन चाहन्छन् । तर, फिल्मको कास्टिङ होस्, सुटिङ होस् वा रिलिज होस्, कुनै पनि विषयमा आधिकारिक रूपमा कुनै जानकारी आएको छैन ।