काठमाडौँ– घनश्याम लामिछाने निर्देशित सिनेमा ‘लण्डन टु पेरिस’को दोस्रो पोस्टर सार्वजनिक गरिएको छ ।
पोस्टरमा सिनेमा अभिनय गरेका चार शीर्ष कलाकारलाई फिचर गरिएको छ । पोस्टरमा साम्राज्ञी राज्यलक्ष्मी शाह, निश्चल खड्का, कवीर खड्का र गरिमा शर्मालाई स्थान दिइएको छ ।
यो सिनेमाबाट निश्चल खड्काले सिनेमा उद्योगमा डेब्यु गर्दैछन् ।
जेठ १५ गतेदेखि प्रदर्शनमा आउने भनिएको यो सिनेमाको यसअघि सार्वजनिक रोमान्टिक पोस्टरमा अभिनेत्री साम्राज्ञी आरएल शाह र डेव्यु अभिनेता निश्चल खड्का फिचर्ड गरिएको थियो ।
सिनेमामा साम्राज्ञी, निश्चल, कविर र गरिमामा अलवा रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको निर्माण टिमले जनाएको छ । यात्राका क्रममा परेको प्रेम देखाइएको यो सिनेमालाई प्रदीप भारद्वाजले लेखेका हुन् ।
अमित बस्नेतले लगानी गरेको यो सिनेमामा आरोन बस्नेत, एरियाना बस्नेत तथा परी राना पनि निर्माताका रुपमा रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया