हलिउड फिल्ममा देखिँदै अभिनेत्री दीपिका पादुकोण

काठमाडौँ – हलिउड स्टार विन डिजेलले बलिउड अभिनेत्री दीपिका पादुकोणसँगको तस्विर पोस्ट गरेका छन्, जसमा उनी उनको ब्लेजर लगाएको देखिएका छन् । यो तस्विरसँगै विनले लामो पोस्ट पनि लेखेका छन्, जसमा एउटा संकेत लुकेको छ ।

बलिउडमा आफ्नो जादु देखाएकी दीपिका पादुकोणका हलिउडमा पनि धेरै फ्यान छन् । संसारभरि उनलाई मन पराउने दर्शकहरू छन्। ती व्यक्तिहरूमा चर्चित हलिउड अभिनेता विन डिजेलको नाम पनि समावेश छ। रकको नामले चिनिने विन डिजेलले दीपिकालाई धेरै मन पराउँछन् ।

दीपिकासँगको तस्बिर सेयर गर्दै विन डिजेलले नयाँ फिल्मको उल्लेख गरेका छन्, जसबाट दीपिका फेरि एकपटक उनीसँगै देखिने अनुमान गर्न सकिन्छ । यसपटक दीपिका विन डिजेलकी बहिनीको भूमिकामा देखिनेछिन् ।

अब विन डिजेलको यो पोस्टपछि दीपिकाका फ्यानहरु पनि निकै खुसी छन्, सबैले दीपिका र विनलाई पर्दामा फेरि हेर्ने मौका पाउनेछन् । उनले सन् २०१७ मा भारत भ्रमणको तस्बिर सार्वजनिक गर्दै लेखेका छन्, ‘मैले दीपिकालाई भारत भ्रमण गर्ने बाचा दिएको थिएँ । मैले सो बाचा पूरा गरेँ ।’

बिन र दीपिकाले सन् २०१७ मा प्रदर्शनमा आएको हलिउड फिल्म ‘एक्सएक्सएक्सस् रिटर्न अफ जेन्डर केज’मा सहकार्य गरेका थिए । बिनका अनुसार सोही बेला दीपिकाले दिएको निम्तो मान्न उनी भारत आएका थिए । उनीसँग फिल्मका निर्देशक डीजे कारुसो पनि आएका थिए ।

बिनले दीपिकालाई सम्झिएर गरेको पोस्ट चर्चामा आउनु दुई कारण छ । पहिलो कारण उनी दिपिकालाई एक्सन नायिकाका रुपमा मन पराउँछन् । उनी दीपिकाको ‘फ्यान’समेत हुन् । अर्को कारण भने उनले सोही पोस्टमार्फत आगामी फिल्ममा दीपिकासँग सहकार्य गर्न सक्ने संकेत गरेका छन् ।