नीम को पातका प्राकृतिक गुणहरूले तपाई को छाला हेरचाह सँगै दिनचर्यामा महत्त्वपूर्ण भूमिका खेल्छ । विशेष गरी पिम्पल र कालो दागहरू हटाउन उपयोगी हुन्छ ।
नीमका पातहरूमा शक्तिशाली एन्टिब्याक्टेरियल, एन्टी–इन्फ्लेमेटरी र एन्टिअक्सिडेन्ट गुणहरूको लागि परिचित छन् ।
यी गुणहरूले नीमको पातलाई पिम्पल (डन्डीफोर) र कालो दागहरू सहित विभिन्न छाला समस्याहरूको लागि प्रभावकारी प्राकृतिक उपचार बनाउँछ ।
छालाका लागि नीमको पातका फाइदाहरू –
– जीवाणुरोधी (एन्टिब्याक्टेरियल) गुण
नीमको पातमा निम्बिन, निम्बिडिन र गेडुनिन जस्ता यौगिकहरू हुन्छन्, जसमा बलियो जीवाणुरोधी गुणहरू हुन्छन् । यी गुणहरूले पिम्पल र (खटिरा) निम्त्याउने ब्याक्टेरिया सँग लड्न मद्दत गर्छ ।
– एन्टी इन्फ्लामेट्र्रि गुण–
नीमको पातमा क्वेर्सेटिन र निम्बिडिन जस्ता एन्टि–इन्फ्लेमेटरी यौगिकहरू प्रशस्त मात्रामा पाइन्छ । यी यौगिकहरूले पिम्पल सँग सम्बन्धित सून्नाइ र रातो पनलाई शान्त पार्न सघाउँछ, छिटो निको पार्नु को साथै पिम्पल्स को पुनरावृत्ति लाई रोक्न मद्दत गर्दछ ।
– एन्टिअक्सिडेन्ट गुण
नीमको पातमा फ्लेभोनोइड्स र भिटामिन सी सहित एन्टिअक्सिडेन्ट प्रशस्त मात्रामा पाइन्छ जसले छालालाई फ्री रेडिकलबाट हुने क्षतिबाट जोगाउन मद्दत गर्छ ।
यसको एन्टिअक्सिडेन्ट गुणहरूले कालो धब्बा, दाग र बुढेसकालका लक्षणहरू कम गर्न मद्दत गर्दछ, जसको परिणाम स्वरूप अनुहारको रङ्ग अझ निक्खर हुन्छ ।
डन्डिफोर कालो दागको लागि नीमको पातको प्रयोग
एक मुठी ताजा नीम पातहरू मिक्सर को प्रयोग गरेर पिस्नु होस् । डन्डिफोर र कालो दागहरूमा वा सिधै प्रभावित ठाउँहरूमा नीमको पेस्ट लगाउनुहोस् ।
पेस्ट लाई १५–२० मिनेटको लागि छोड्नुहोस्, जसले गर्दा लाभकारी यौगिकहरू छालामा प्रवेश गर्न सकोस् । त्यसपश्चात् मन तातो पानीले धुनुहोस् र बिस्तारै सुकाउनुहोस् । राम्रो परिणामको लागि यो प्रक्रिया हप्तामा २–३ पटक दोहोर्याराउनु होस ।
एक मुठी नीमको पातलाई पानीमा १०–१५ मिनेट सम्म पानीको रँग हरियो नहुन्जेल उमाल्नुहोस् । नीमको पातको पानीलाई चिसो पारेर छान्नुहोस् ।
नीमको पातको पानीमा कपास भिजाएर प्रभावित क्षेत्रमा लगाउनु होस । यसलाई १०–१५ मिनेट सम्म लगाएर छोड्नुहोस्, त्यसपछि यसलाई पानीले धुनु होस ।
यो खबर पढेर तपाईलाई कस्तो महसुस भयो ?
प्रतिक्रिया