श्रद्धा कपुरले राहुल मोदीसँग अफेयरको हल्ला पुष्टि गरिन् !

काठमाडौँ – बलिउड अभिनेत्री श्रद्धा कपूर आफ्नो अभिनयका साथसाथै क्यूटनेसका लागि पनि निकै रुचाइन्छिन् । सामाजिक सञ्जालमा पनि अभिनेत्री निकै सक्रिय छिन् र आफ्ना फ्यानहरूसँग आफ्नो जीवनका अपडेटहरू सेयर गरिरहन्छिन् ।

श्रद्धा केही समयदेखि आफ्नो व्यक्तिगत जीवनलाई लिएर चर्चामा छिन् । रिपोर्टका अनुसार अभिनेत्री लेखक राहुल मोदीसँग सम्बन्धमा छिन् । तर यसपटक श्रद्धाले एक पोस्ट गरेर उनीहरुको सम्बन्धलाई थप हावा दिएको छ ।

श्रद्धा कपुरले आफ्नो इन्स्टाग्राममा केही तस्विर पोस्ट गरेकी छिन् । यी तस्विरहरु सेयर गर्दै अभिनेत्रीले फ्यानहरुलाई आफू फुर्सदको समयमा आराम गरिरहेको बताएकी छिन् ।

श्रद्धाले क्याप्सनमा लेखेकी छिन्– केही छैन भाइ, आइतवार हो त्यसैले म केही गरिरहेकी छैन । तर, श्रद्धाले यो पोस्टमा ठूलो संकेत दिएकी छिन् । यही संकेतबाट अभिनेत्री राहुल मोदीसँग रिलेशनशिपमा रहेको कुरा बाहिर आएको छ ।

वास्तवमा यी तस्विरमा श्रद्धा आराम गरिरहेको देखिएकी छिन् । अभिनेत्रीले लेभेन्डर कलरको नाइट सूट लगाएकी छिन् । यससँगै नायिकाले घाँटीमा क्यापिटल ‘आर’ लेखिएको लकेट लगाएकी छिन्, जसले सबैको ध्यान तानेको छ ।

अब यो पेन्डेन्टलाई हेर्दा अभिनेत्रीले राहुल मोदीको नामको पेन्डेन्ट लगाएकी छिन् । यद्यपि, श्रद्धाले क्याप्शनमा राहुल मोदीको उल्लेख गरेकी छैनन् न त उनले अहिलेसम्म उनीहरुको सम्बन्धबारे कुनै प्रतिक्रिया दिएकी छिन् । श्रद्धा कपुर र राहुल मोदी धेरै पटक सँगै देखिएका छन् । हालै उनीहरु दुवैलाई अनन्त अम्बानी र राधिका मर्चेन्टको प्रि-वेडिङमा जामनगरमा सँगै देखिएका थिए । यद्यपी दुवैले मिडियामा खुलेर पोज दिएका छैनन् ।

रिपोर्टका अनुसार श्रद्धा कपूरले फिल्म ‘तू झूठी मैं मक्कर’ को दौरान राहुल मोदीसँग भेट गरेकी थिइन् । यस फिल्मका लेखक राहुल थिए । यस फिल्मका अलावा राहुलले प्यार का पंचनामा २, सोनु के टिटु की स्वीटी पनि लेखेका छन् ।