रामचरणले गरे ‘पुष्पा २’ निर्देशकसँगको नयाँ फिल्मको घोषणा

काठमाडौँ – साउथ सुपरस्टार रामचरण लामो समयदेखि आफ्नो आगामी फिल्मलाई लिएर चर्चामा छन् । उनको फिल्म गेम चेन्जरलाई लिएर अभिनेताका फ्यानहरु पनि निकै उत्साहित छन् ।

आरआरआर पछि रामचरण अब फिल्म गेम चेन्जरमा देखिनेछन् । अब रामचरमको अर्को फिल्मको घोषणा भएको छ । रामचरणले २७ मार्चमा आफ्नो जन्मदिन मनाउने भएका छन् ।

अभिनेताले आफ्नो जन्मदिन अघि नै आफ्ना फ्यानहरुलाई ठूलो सरप्राइज दिएका छन् । रामचरणले आफ्नो नयाँ फिल्म आरसी १६ घोषणा गरेका छन् । विशेष कुरा के छ भने यो फिल्मलाई पुष्पा २ निर्देशक सुकुमारले निर्देशन गर्न लागेका हुन् ।

हो, रिपोर्टका अनुसार उनी रामचरणको फिल्म आरसी १६ मा सुकुमारसँग काम गर्ने देखिनेछन् । सुकुमार यतिबेला आफ्नो बहुप्रतिक्षित चलचित्र पुष्पा २ को काममा व्यस्त छन् । अल्लु अर्जुन अभिनित यो फिल्म यसै वर्षको अगस्ट १५ मा रिलिज हुँदैछ । रामचरणले आफ्नो इन्स्टाग्राममा सुकुमारसँगको तस्बिर सेयर गरेर सहयोगको घोषणा गरेका छन् ।

रामचरणको ३८ औं जन्मदिनमा अर्को सरप्राइज आउन लागेको छ । अभिनेताको यो विशेष दिनमा उनको फिल्म गेम चेन्जरको पहिलो गीत पनि रिलिज हुँदैछ ।

यसका साथै अभिनेताको आगामी फिल्म आरसी १६ को टाइटल पनि २७ मार्चमा घोषणा गर्न सकिनेछ । जानवी कपूर फिल्म आरसी १६ मा राम चरणको अपोजिटमा देखिनेछिन् । लामो समयदेखि यी दुवै एक फिल्ममा सँगै देखिने खबर बाहिर आएको थियो ।

हालै निर्देशक सुकुमार रामचरणको १६ औं फिल्मको पूजा समारोहमा सहभागी भएका थिए । यस अवधिमा सुकुमार र रामचरणले धेरै तस्विरहरू सँगै क्लिक गरेका थिए। सुकुमार र रामचरण सँगै काम गर्न लागेको यो पहिलो पटक भने होइन । यसअघि दुवैले फिल्म ‘रंगस्थलम’ मा काम गरेका थिए ।

यो फिल्म ब्लकबस्टर साबित भयो । अब फिल्म आरसी १६ मा आसुकुमार र रामचरमको जोडी बनेपछि यो फिल्म पनि सुपरहिट साबित हुन सक्छ भन्नु गलत हुनेछैन । यो फिल्म २०२५ मा रिलिज हुन सक्छ ।