काठमाडौँ – फिल्म ‘बोक्सीको घर’मा अभिनेत्री केकी अधिकारीको भूमिकाको लुक्स सार्वजनिक गरिएको छ । होलीको अवसर पारेर काठमाडौँको लैनचौरमा एक कार्यक्रमकाबीच उनले निर्वाह गरेको भूमिकाको चरित्र खुल्ने पोस्टर सार्वजनिक गरिएको हो ।
अभिनेत्री केकी अधिकारी र पूर्व मिस नेपाल तथा अभिनेत्री माल्भिका सुब्बाले सार्वजनिक गरेको सो पोस्टरमा टिजर र गीतमा नदेखाइएको ‘बोक्सी लुक्स’लाई देखाइएको छ ।
फिल्म ८ वर्षअघि मञ्चन भएको नाटक ‘बोक्सीको घर’ मा आधारित छ । केकी अधिकारी फिल्मको प्रस्तुतिमा निर्माण भएको सिनेमाका निर्माता उनका बुबा बद्री अधिकारीले हुन् । फिल्मका कार्यकारी निर्माता राज घिमिरे हुन् ।
सिनेमा नेपालसहित विभिन्न देशमा एकसाथ प्रदर्शन गर्नुका साथै अन्तर्राष्ट्रिय महोत्सवमा समेत लैजाने योजनामा केकी छिन् ।
सिनेमामा केकी सहित सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सविन बास्तोलालगायतको अभिनय छ ।
यो खबर पढेर तपाईलाई कस्तो महसुस भयो ?
प्रतिक्रिया