काठमाडौँ– विज्ञान तथा प्रविधिको चरम विकासका कारण मानिसहरुले कैयौँ अनौठा तथ्यहरु पत्ता लगाइरहेका छन् । वैज्ञानिकहरुको खोज तथा अनुसन्धानले यो युगलाई नै नयाँ बाटोतर्फ मोडिरहेको छ ।
मान्छेले विश्व नै ध्वस्त हुने अणु बम पनि बनाएका छन् भने जीवन बचाउन सक्ने थुप्रै तथ्यहरु पत्ता लगाइरहेका छन् । आज भने हामी तपाईँलाई त्यस्ता आविष्कारका बारेमा जानकारी दिँदैछौँ, जसले सफलता पाए मानिस अमर बन्न सक्छ ।
अङ्ग उत्पादन गर्ने ल्याब
विज्ञान—प्रविधिको क्षेत्र फराकिलो भएसँगै वैज्ञानिकहरु एक अनौठो कार्यमा जुटेका छन् । उनीहरु मानव शरीरको कुनै पनि अङ्ग काम नगरेमा वा बिग्रिएमा नयाँ अङ्ग उत्पादन गरेर त्यसको प्रतिस्थापन गराउन सकिने खोजमा जुटेका छन् ।
यदि वैैज्ञानिकहरुको अङ्ग उत्पादन गर्ने प्रयास सफल भएमा मानिसले शरीरमा कुनै पनि अङ्गको खराबीका कारण ज्यान गुमाउने सम्भावना कम हुने दाबी वैज्ञानिकहरुको छ ।
इनफ्युजिङ योङ ब्लड टू ओल्ड
विश्वका वैैज्ञानिकहरु यस्तो अनौठो परीक्षणमा जुटेका छन कि, कुनै एउटा बूढो मानिसलाई युवा मानिसको रगत दिएर जवान बनाउन सम्भव हुनेछ । यदि यो खोजले सफलता पाए बूढो मानिस पनि रगत लिएर फेरि जवान हुन सक्नेछ ।
लामो समय बाँच्ने औषधी
पछिल्लो समय जलवायु परिवर्तन तथा अन्य विभिन्न समस्याका कारण मानवजातिको आयु घटिरहेको बताइन्छ । हरेक मानिसको लामो उमेर बाँच्ने आकांक्षालाई मध्यनजर गर्दै वैज्ञानिकहरु मानिसको उमेर बढाउन सक्ने खालको औषधीको खोजमा जुटेका छन् ।
यदि यो खोज सफल भए मानिसको औसत आयु एक सयदेखि एक सय २० वर्षसम्मको हुने वैज्ञानिकहरुको दाबी छ ।
यो खबर पढेर तपाईलाई कस्तो महसुस भयो ?
प्रतिक्रिया