काठमाडौँ – काठमाडौँ महानगरपालिकाले आजदेखि ‘गरिब घरपरिवार पहिचान तथा परिचय पत्र वितरण कार्यक्रमको तथ्याङ्क संकलनमा खटिने गणक र सुपरिवेक्षकको तालिमका लागि’ प्रशिक्षक प्रशिक्षण सुरु गरेको छ ।
सामाजिक विकास विभागले थालेका प्रशिक्षणमा महानगरपालिकाका २६ जना अधिकारीहरु सहभागी छन् । तालिम ३ दिन चल्नेछ ।
प्रशिक्षणमा गरिबी, गरिब परिचय पत्र, विवरण संकलन र परिचय पत्रको कानुनी तथा सैद्धान्तिक पक्ष, विवरण संकलन गर्ने, भण्डारण गर्ने तथा सम्बन्धित अधिकारीको पहुँचमा पठाउने विधि सिकाइनेछ । यसबाट प्रशिक्षक बन्ने अधिकारीहरुले चैत २० गतेदेखि गणक र सुपरिवेक्षकलाई तालिम दिनेछन् ।
यो खबर पढेर तपाईलाई कस्तो महसुस भयो ?
प्रतिक्रिया