एफए कप : म्यानचेस्टर सेमिफाइनल प्रवेश

काठमाडौँ – लिभरपुललाई हराउँदै म्यानचेस्टर युनाइटेड एफए कपको सेमिफाइनलमा प्रवेश गरेको छ ।

घरेलु मैदान ओल्ड ट्राफोर्डमा गएराति भएको खेलमा म्यानचेस्टरले लिभरपुललाई ४–३ ले पराजित गरेको हो । 

निर्धारित ९० मिनेटको खेल २–२ को बराबरीमा सकिएपछि खेल अतिरिक्त समयमा धकेलिएको थियो । पेनाल्टी शूटआउटतर्फ गइरहेको खेलमा युनाइटेडले अन्तिम मिनेटमा गोल गर्दै जीत निकालेको हो । 

खेलको १०औं मिनेटमा स्कट मकटोमिनेले गोल गर्दै युनाइटेडलाई खेलमा अग्रता दिलाएका थिए । तर पहिलो हाफको अन्त्यतिर नै युनाइटेडले दुई गोल खान पुग्यो ।

४४औं मिनेटमा डार्विन नुनेजको क्रसमा एलेक्सिस मक्यालिसटारले गोल गर्दै खेल बराबरीमा ल्याए । त्यसपछि पहिलो हाफको इन्ज्युरी समयमा मोहम्मद सालाहले लिभरपुललाई अग्रता दिलाए ।

युनाइटेडका लागि खेलको ८७औं मिनेटमा एन्टोनीले गोल गर्दै खेल २–२ को बराबरीमा ल्याएर अतिरिक्त समयमा धकेलेका थिए । 

यसँसगै एफए कपको सेमीफाइनल समीकरण पूरा भएको छ । युनाइटेडसहित म्यानचेस्टर सिटी, चेल्सी र कोभेन्ट्री सिटी सेमीफाइनलमा पुगेका छन् ।