काठमाडौँ– एफए कप फुटबलमा न्युक्यासल युनाइटेडलाई हराउँदै म्यानचेस्टर सिटी सेमिफाइनलमा प्रवेश गरेको छ । गएराति भएको खेलमा न्युक्यासललाई म्यानचेष्टरले २–० ले पराजित गरेको हो ।
सिटीका लागि बर्नार्डो सिल्भाले नै दुई गोल गरेका थिए । खेलको १३औँ मिनेटमा सिल्भाले गोल गर्दै सिटीलाई १–० को अग्रता दिलाए । त्यसपछि सिल्भाले ३१औँ मिनेटमा गोल गर्दै सिटीको अग्रतालाई दोब्बर पारेका थिए ।
खेलमा न्युक्यासलले राम्रा अवसरहरू पाए पनि गोलमा परिणत गर्न नसक्दा हार बेहोर्नु पर्यो ।
अर्को क्वाटरफाइनलमा आज राति चेल्सी र लेस्टर सिटी तथा म्यानचेस्टर युनाइटेड र लिभरपुलबीच प्रतिस्पर्धा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया