साउदी प्रो लिग: रोनाल्डोको पेनाल्टी गोलमा अल नासर विजयी

काठमाडौँ– साउदी प्रो लिग फुटबल अन्तर्गत गएरातीको खेलमा अल नासरले जित निकालेको छ ।

नासरले रोनाल्डोको पेनाल्टी गोलमा घरेलु टोली अल अहलीलाई १–० गोल अन्तरले पराजित गरेको हो ।

जेदाहमा भएको खेलको घरेलु टोली अल अहलीका रोजर इवानेजले पेनाल्टी बक्समा सामी अल नाजेइलाई फउल गरेपछि रेफ्रीले अल नासरलाई पेनाल्टी दिएका थिए । 

यही अवसरको उपयोग गर्दै खेलको ६८औँ मिनेटमा पेनाल्टीमार्फत रोनाल्डोले गोल गरे । जुन नासरको जितका लागि निर्णायक रह्यो ।

यो जितसँगै अल नासर २४ खेलबाट ५६ अङ्कका साथ तालिकाको दोस्रो स्थानमा छ । एक खेल कम खेलेको अल हिलालको ६५ अङ्क छ । यसै गरी पराजित भएको अल अहली ४७ अङ्कका साथ तेस्रो स्थानमा छ ।