मस्को– राष्ट्रपति भ्लादिमिर पुटिनले रुसको राज्यसत्तालाई खतरा भएमा आणविक हतियार प्रयोग गर्ने चेतावनी दिएका छन्।
बुधबार रुसी सञ्चारमाध्यमले प्रसारण गरेको रेकर्डड अन्तर्वार्तामा क्रेमलिन प्रमुखले रूस सैन्य प्राविधिक दृष्टिकोणबाट आणविक युद्धका लागि तयार रहेको बताएका हुन् ।
उनका टिप्पणीहरूले आणविक ‘सब्रे रट्टलिंग’ को पुनः शुरु हुने सङ्केत गरेको अन्तराष्ट्रिय सञ्चारमाध्यमले जनाएका छन् ।
दुई हप्ताअघि पनि राष्ट्रपति पुटिनले राष्ट्रलाई वार्षिक सम्बोधन गर्दै पश्चिमी देशहरूले युक्रेनमा लड्न सेना पठाएमा आणविक युद्ध हुन सक्ने खतरा औँल्याएका थिए । बुधवार पनि उनले यो जोड दिए कि रूसको आणविक हतियार र सेनाले पश्चिमा देशलाइ हानी पुर्याउन सक्छ ।
‘सैन्य–प्राविधिक दृष्टिकोणबाट हामी पक्कै पनि तयार छौं। तिनीहरू रूसी सेनाहरूे निरन्तर लडाई तयारीको अवस्थामा छन्,’ पुटिनले रसिया–१ राज्य टिभी च्यानलसँगको अन्तर्वार्तामा भने।
‘हाम्रो ट्रायड, परमाणु ट्रायड, यो कुनै पनि अन्य ट्रायड भन्दा धेरै आधुनिक छ,’ उनले भने, ‘केवल हामी र अमेरिकासँग मात्रै त्यस्ता ट्रायडहरू छन् तर हामी उनीहरू भन्दा धेरै अगाडि बढेका छौं।’
पुटिन र अन्य रुसी अधिकारीहरूले फेब्रुअरी २०२२ मा युक्रेनमा आक्रमण गरेपछि र कीभलाई समर्थन गर्न पश्चिमको प्रतिक्रियालाई नियमित रूपमा देशको आणविक क्षमताहरू सन्दर्भमा सो कुरा गरेका हुन । यद्यपि मस्कोले यो अस्वीकार गरेको छ किऽ यो कुराहरू धम्की मात्रै होइन ।
पुटिनले आफ्नो भर्खरका टिप्पणीहरूमा जोड गरे कि रूसी–अमेरिकी सम्बन्धको क्षेत्रमा र रणनीतिक संयमको क्षेत्रमा जोखिमहरू बुझ्नको लागि पर्याप्त विशेषज्ञता छ।
यो खबर पढेर तपाईलाई कस्तो महसुस भयो ?
प्रतिक्रिया