काठमाडौँ– गायिका बबिना किरातीको स्वरमा‘आकाशैमा चिल हो कि बेसारा’को फिमेल भर्सन गीत हालै सार्वजनिक भएको छ ।
गायक महेश थुलुङले एक दशकअघि नै यस गीत सार्वजनिक गरेका थिए । जुन गीतलाई निकै रुचाइएकाे थियाे । एक दशकपछि गायिका किरातीको स्वरमा सार्वजनिक भएको गीतमा भुवन थुलुङको शब्द तथा संगीत रहेको छ ।
गीतको एरेन्ज रिकेश गुरुङले गरेका छन् । किङ स्टुडियो र स्टुडियो २१ मा रेकर्ड भएको यस गीतको मिक्सिङ र मास्टररिङ राजु कार्कीले गरेका छन् ।
गीत भिडियोको निर्देशन राजेश पुमा राईले गरेका हुन् भने गीतकाे भिडियोमा गायिका किरातीसँगै सम्राट अधिकारी, अनिस मगर, सृष्टि सुब्बा, रश्मी आले मगर लगायत कलाकारलाई देख्न सकिन्छ ।
इसाक जबेगुले खिचेको भिडियोमा पूर्वका रमणीय ठाउँहरुलाई देख्न सकिन्छ । गीतकाे सम्पादन विकास दाहालले गरेका छन् ।
यसअघि उनको ‘चरी भए’, ओई भन्यो मायाले’, ‘चाइनाको रेल’ ‘बेचिदिन्थेँ यो जवानी’ लगायत गीतहरु सार्वजनिक भएका छन् ।
यो खबर पढेर तपाईलाई कस्तो महसुस भयो ?
प्रतिक्रिया