काठमाडौँ– सामाजिक सञ्जाल एक्सको स्वामित्व एलन मस्कले लिएपछि यसमा बेलाबेलामा विभिन्न किसिमका परिवर्तनहरू देखिने गरेका छन् ।
योसँगै अव सामाजिक सञ्जाल एक्स (पहिलेको ट्वीटरमा) मा आउने लामा आकारका भिडिओ स्मार्ट टेलिभिजनमा समेत देख्न पाइने भएको छ ।
कम्पनीका मालिक एलन मस्कले एक्समा नै एक स्ट्याटस राख्दै यो फिचर चाँडै उपलब्ध हुने जानकारी दिएका विभिन्न अन्तर्राष्ट्रिय सञ्चारमाध्यमहरुले जनाएका छन् ।
उनले उक्त पोस्टमा एक्सका लामो आकारका भिडिओहरू सिधा स्मार्ट टिभीबाट हेर्न सकिने फिचर ‘चाँडै आउने’ उल्लेख गरेका छन् ।
सामाजिक सञ्जाल एक्सले चाडै अमेजन र सामसङ प्रयोगकर्तालाई लक्षित गर्दै टिभी एप ल्याउन लागेको फच्र्युन म्यागजिनको रिपोर्टमा उल्लेख गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया