काठमाडौँ – आईफोन प्रयोगकर्तालाई एन्ड्रोइडमा स्विच गर्न सजिलो बनाउने गरी तयारीमा एप्पल कम्पनी लागेको छ ।
युरोपियन युनियनको डिजिटल मार्केट्स ऐन पालना गर्ने सन्दर्भमा एप्पलले आईओएस र अन्य अपरेटिङ सिस्टमबीच डेटा ट्रान्सफरको प्रक्रिया सहज बनाउने काम अघि बढाएको हो ।
हाल एन्ड्रोइडबाट आईओएसमा डेटा माइग्रेसन गर्न एप्पलले एन्ड्रोइडमा ‘मुभ टु आईफोन’ र आईफोनबाट एन्ड्रोइड डिभाइसमा डेटा माइग्रेसन गर्न गुगलले ‘स्विच टु एन्ड्रोइड’ नामक आईओएस एप चलाइरहेको छ ।
तर ती दुवै त्यति सहज र सरल नबन्दा नयाँ विकल्पको खोजीमा कम्पनी लागेको हो । जसको परिणामस्वरुप आईफोनबाट एन्ड्रोइडमा डेटा सार्ने सजिलो फिचर सन् २०२५ भित्र सार्वजनिक हुने बताइएको छ ।
यद्यपि डेटा कसरी ट्रान्सफर गरिन्छ भन्नेबारे जानकारी दिइएको छैन । साथै एप्पलले गुगलजस्ता कम्पनीलाई डेटा ट्रान्सफरका लागि आफ्नै एप बनाउन उपकरण दिइरहेको समेत बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया