काठमाडौँ – गुगलले आफ्नो एप्स भण्डार प्ले स्टोरबाट एकै पटक धेरै एप डाउनलोड गर्न सकिने सुविधा ल्याउने भएको छ ।
प्ले स्टोरको भर्सन ४०.०.१३ मा गुगलले यस्तो सुविधा अर्थात ‘प्यारालल डाउनलोड’ फिचरको तयारी गरिरहेको एसपी एन्ड्रोइडले जनाएको छ ।
अहिले प्ले स्टोरबाट दुई वा सोभन्दा बढी एप डाउनलोड गर्न एउटाको डाउनलोड प्रक्रिया पूरा हुनुपर्ने हुन्छ ।
जहाँ एप डाउनलोड भई इन्स्टल हुने प्रक्रिया केही लामो हुने भएकाले प्रयोगकर्ताले एउटा एप इन्स्टल भइसक्ने बेलासम्म धैर्य गर्नुपर्ने बाध्यता छ ।
नयाँ फिचरले यो समस्याको अन्त्य गर्ने छ । यद्यपि यो सुविधा एप अपडेट गर्दा काम नलाग्ने एन्ड्रोइड अथोरिटीले जनाएको छ ।
सुरुवाती चरणमा प्रयोगकर्ताले एक पटकमा दुई ओटा मात्रै एप डाउनलोड गर्न सक्ने बताइएको छ । त्यस्तै कम्पनीले प्ले स्टोरमा ‘फिचर स्टोरेज’ सेक्सन पनि ल्याउने भएको छ ।
यो खबर पढेर तपाईलाई कस्तो महसुस भयो ?
प्रतिक्रिया