‘केटी हराएको सूचना’ मा नाजिर र सृष्टि

काठमाडौँ– फिल्म ‘केटी हराएको सूचना’ निर्माण हुने भएको छ । दीपेन्द्र गौचनको लेखन तथा निर्देशन रहने यो फिल्मको आज (सोमवार) स्क्रिप्ट पूजा गरिएको छ ।

फिल्ममा कलाकारद्वय नाजिर हुसेन र सृष्टि श्रेष्ठको शीर्ष भूमिका रहने जनाइएको छ । फिल्ममा नकिम उद्दिमको लगानी रहनेछ भने आगामी बिहीवारदेखि छायाङ्कन थालिने निर्माण टिमले जनाएको छ ।

अम्बर महर्जनले खिच्ने यो फिल्मलाई काठमाडौँ, जनकपुर लगायतका स्थानमा छाया‍ङ्कन गरिने जनाइएको छ ।