काठमाडौँ- साफ यू–१६ महिला फुटबल प्रतियोगिता अन्तर्गत आज नेपालले भुटानको सामना गर्दै छ ।
ललितपुरस्थित च्यासल मैदानमा यो खेल अपराह्् ३ बजेदेखि शुरु हुने छ । यस अघि सम्पन्न आफ्नो पहिलो खेलमा नेपाल र भुटान दुबैले हर बेहोरेका छन् । भुटानले प्रतियोगिताको पहिलो खेलमा भारतसँग ७-० को हार बेहोरेको थियो भने नेपालले बंगलादेशसँग २-० को हार बेहोरेको थियो ।
यस प्रतियोगितामा नेपाल र भुटानसहित भारत र बंगलादेश गरि चार देशले भाग लिएका छन् ।
प्रतियोगितामा मंगलबार भारत र बंगलादेश खेल्दै छन् भने बिहीबार नेपाल र भारत तथा शुक्रबार बंगलादेश र भुटान खेल्ने तालिका रहेको छ । त्यसपछि शीर्ष २ देशले आइतबार फाइनल खेल्ने तालिका रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया