काठमाडौँ – प्ले स्टोरबाट भारतीय एप्स हटाएपछि भारत सरकारले गुगललाई बैठकमा बोलाएको छ ।
प्ले स्टोरको बिलिङ नीति पालना नगरेको भन्दै गुगलले प्ले स्टोरबाट १० ओटा भारतीय एप्स हटाएको थियो । यही कारण हस्तक्षेपमा उत्रिएको सरकाले समस्याको समाधान खोज्न गुगललाई बैठक बोलाएको हो ।
यसबारे प्रतिक्रिया दिँदै केन्द्रीय मन्त्री अश्विनी वैष्णव एप्स डिलिस्टिङको कडा विरोध गर्ने र यो हुन नदिने बताएका छन् ।
पीटीआईसंगको कुराकानीमा उनले प्ले स्टोरबाट गुगलले केही भारतीय एपहरू हटाउने विषयमा लिएको निर्णय विरुद्ध सरकार कडा रुपमा प्रस्तुत हुने बताएका थिए ।
गुगलले हटाएका एपहरूमा विवाह एप्ससहित भारतका धेरै लोकप्रिय एपहरूको नाम समावेश छ।
यद्यपि भारत सरकारको प्रतिक्रियापछि केही एपहरू प्ले स्टोरमा फेरि देखिन थालेका छन् । सरकारले गुगलसँग आगामी सोमबार बैठक तय गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया