काठमाडौँ – सामाजिक सञ्जाल एक्सले अब सबै खाले प्रयोगकर्ताका लागि अडियो भिडियो कलको सुविधा दिने भएको छ ।
पहिले यो फिचर केवल ब्लु टिक सशुल्क प्रयोगकर्ताका लागि मात्र सीमित भएकोमा अब आम एक्स प्रयोगकर्ताका लागि उपलब्ध हुने एक्स प्लाटफर्म इन्जिनियर इनरिक ब्यारागनले घोषणा गरेका हुन् ।
उनले अब एक्स प्रयोगकर्ताले जो कसैलाई पनि कल गर्न सक्ने बताएका छन् । यदि यो फिचर नदेखिएमा एक्स एप अपडेट गर्न सुझाएका उनले त्यसो गर्दा पनि आएन भने केही समय पर्खन आग्रह गरेका छन् ।
हुन त यो सम्भावना बारे मस्कले यसअघि नै संकेत गरिसकेका थिए । त्यस्तै अडियो भिडियो कल सेवा समेत गतवर्ष नै सुरु भएको थियो ।
तर पहिलो चरणमा आइओएस प्रयोगकर्ताका लागि यो फिचर उपलब्ध गराइएकोमा यहीँ वर्षको सुरुवातमा एन्ड्रोइड प्रयोगकर्ताका लागि पनि जारी गरिएको थियो ।
यद्यपि यो अहिलेसम्म केवल एक्सका प्रिमिय सब्सक्राइबरमा मात्रै सीमित थियो ।
यो खबर पढेर तपाईलाई कस्तो महसुस भयो ?
प्रतिक्रिया