काठमाडौँ– नक्सालस्थित नेपाल ललितकला प्रज्ञा–प्रतिष्ठानमा नाट्य सम्राट बालकृष्ण समको १२२ औँ जन्मजयन्ती मनाइएको छ ।
ललितकलासँगै नेपाल प्रज्ञा–प्रतिष्ठानको सहकार्य तथा नेपाल सङ्गीत तथा नाट्य प्रज्ञा–प्रतिष्ठानको आयोजनामा बुधबार ललितकला प्रज्ञा–प्रतिष्ठानमा सम जन्मजयन्ती मनाइएको थियो ।
तीनवटै प्रतिष्ठान मिलेर गरेको यो पहिलो कार्यक्रम हो । उक्त अवसरमा ‘सम्झनामा बालकृष्ण सम’ विषयक विचार गोष्ठी तथा अन्तरक्रिया, कवितावाचन, चित्रकला कार्यशाला र वृत्तचित्र प्रदर्शन समेत गरिएको थियो ।
कार्यक्रममा तीनै वटा प्रतिष्ठानका कुलपतिहरु भूपाल राई, नारदमणि हार्तम्छाली, निशा शर्मा लगायत साहित्य, संगीत, नाट्य तथा ललितकला विधाका स्रष्टाहरु सहभागी थिए ।
ललितकला प्रज्ञा–प्रतिष्ठानका हार्तम्छालीले समलाई सापेक्ष रूपमा चर्चा गर्नुभन्दा पनि तत्कालीन अवस्थामा रहेर हेर्नु वाञ्छनीय हुने धारणा राखेका थिए ।
प्रज्ञा–प्रतिष्ठानका कुलपति राईले समलाई नाटककारका रूपमा बढी चिनिएको भएता पनि उहाँ साहित्य तथा चित्रकलाको क्षेत्रमा अब्बल रहेको बताए ।
फोटोफिचर :
यो खबर पढेर तपाईलाई कस्तो महसुस भयो ?
प्रतिक्रिया