काठमाडौँ – फिल्म ‘जिग्री’को ट्रेलर सार्वजनिक गरिएको छ । २ मिनेट ३१ सेकेन्ड लामो ट्रेलरमा पैसाको चक्कर र दुई युवाले जीवनमा भोग्नु पर्ने उल्झनलाई प्रस्तुत गरिएको छ ।
फागुन ४ गते प्रदर्शनमा आउने फिल्म ‘जिग्री’ कमेडी–क्राइम–एक्सन–ड्रामाको मिश्रण हो ।
आकाश मगरले निर्देशन गरेको चलचित्रमा अभय राज बराल, आकाश मगर, सुप्रिया राना, रोशन सुवेदी, जीवन बराल, वासुदेव खनाललगायत कलाकारको अभिनय छ ।
फिल्ममा सरुन मानन्धरको सम्पादन, किशोर आचार्यको ध्वनि परिकल्पना तथा मिश्रण, आकी थेक्पाको प्रोडक्सन डिजाइन, सुवास पौडेल र भास्कर स्वाँरको संगीत तथा लुज राजभण्डारीको भीएफएक्स छ ।
सुस्केरा आर्ट्स र लोकल सिनेमाले निर्माणमा सहकार्य गरेको फिल्मको कार्यकारी निर्माता कुसुम थापा मगर र निर्माता कुमार श्रेष्ठ हुन् भने फिल्मलाई सुस्केरा आर्ट्सले वितरण गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया