दाँत दुखाई कम गर्ने घरेलु उपायहरू

दाँतको दुखाई असह्य हुन्छ । दाँत किराले खादा, गिजा सुन्निँदा, बुद्धि बगांरा पलाउँदा,लगायत विविध कारणले दाँत दुख्ने गर्छ ।

राम्ररी दाँत सफा नगर्दा वा चिसो पानी पिए लगत्तै तातो चिज खाएपछि पनि दाँत दुख्ने हुन्छ ।

दुखाई सहन नसक्दा प्राय हामी पेनकिलर,ब्रुफिन लगायत सेवन गर्छौ वा चिकित्सक कहाँ पुगिहाल्छौ, तर घरेलु उपायतिर ध्यान दिँदैनौँ ।

थाहा पाउनुहोस् दाँत दुखाई कम गर्ने घरेलु उपायहरू :

आलु 

यदि दाँतको दुखाइका साथ–साथै सुन्निने समस्या पनि पनि भए आलुलाई ताछेर त्यसको टुक्रालाई दुखेको ठाउँमा १५ मिनेट राख्नुहोस् निकै राहत मिल्नेछ । 

कागती 

कागतीमा भिटामिन सी हुन्छ, जसले दाँतको दुखाई बाट छुटकारा दिलाउन सक्छ । दुखेको भागमा कागती लगाउँदा तुरुन्तै राहत मिल्छ ।

लसुन

लसुनको एक पोटीलाई नुनसँग खानुहोस्, यसले दाँतको दुखाई बाट राहत दिन्छ । 

प्याज 

हरेक तीन मिनेटमा प्याजको एक टुक्रा खाने गरेमा मुखका किटाणु मर्छन् र यसले दाँतको दुखाई पनि कम गर्छ ।

ल्वाङ 

सबैलाई थाहा भएको कुरा, दाँत दुखेमा ल्वाङले तुरुन्तै आराम दिन्छ । दुखेको भागमा ल्वाङ वा ल्वाङको तेल लगाउन सक्नुहुन्छ ।

यदि दाँत किराले खाएको छ र दुखेको छ भने किराले खाएर दुखेको भागमा अलिकति हिङ राख्दा दाँतको दुखाई धेरै हद सम्म कम हुन्छ ।

खैनी

खैनी धेरै खायो भने मुखमा घाउ हुने र ओठ कालो हुने जस्ता समस्याहरू देखा पर्छ तर अलिकति खैनीसँग नुन राखेर पिसेर दिनहुँ दाँत ब्रस गर्नाले दाँतको दुखाई बाट मुक्ति मिल्छ ।

तातोपानी

दाँत दुख्दा तातो पानीको थैलीले सेक्दा पनि निक्कै राहत मिल्छ । 

पुदिना

पुदिनाको पातलाई पिँधेर किरा लागेको दाँतमा राख्नाले दुखाइ धेरै कम हुन्छ ।

हिङ

हिङ र कागती मिलाई पेस्ट बनाइ दाँत ब्रस गर्नाले पनि धेरै फाइदा हुन्छ ।