काठमाडौँ– पछिल्लो समय नेपालमा ट्याटु खोप्ने प्रचलन निकै बढेको छ । अरूको देखासिकी गरेर ट्याटु खोप्ने चलन युवापुस्तामा अझ बढ्दो छ ।
पहिले सहरिया युवाहरूले ट्याटु खोप्ने गरे पनि आजभोलि भने गाउँतिर पनि यो प्रचलन बढेको छ । तर, विभिन्न रिपोर्टहरूले ट्याटु खोप्ने शरीरका लागि हानिकारक हुने देखाएको छ ।
छाला रोग विशेषज्ञ डाक्टर रवीन्द्र पौडेल शरीरमा ट्याटु खोप्नु राम्रो नभएको तर्क गर्छन् । उनका अनुसार शरीरमा ट्याटु खोप्दा ती भागमा एलर्जी हुने र खतहरू समेत बस्न सक्ने हुन सक्छ ।
कतिपय अवस्थामा जागिर खान र विदेश जान समेत समस्या हुने गर्छ ।
विभिन्न अनुसन्धानले के पनि देखाएका छन् भने कतिपय युवामा ट्याटु खोप्दा आफूले चाहे अनुसार नहुँदा मानसिक समस्या पनि देखिने गरेको छ ।
यदि कसैलाई ट्याटु खोप्नु परेमा पहिले शरीरमा कुनै एलर्जी छ कि छैन, त्यही अनुसार मात्र ट्याटु खोप्नुपर्छ ।
यो खबर पढेर तपाईलाई कस्तो महसुस भयो ?
प्रतिक्रिया