काठमाडौँ – विश्वचर्चित हलिउड फिल्म ‘ओपेनहाइमर’ फेम्ड लेखक तथा पुलित्जर पुरस्कार विजेता काई बर्ड नेपाल आउने भएका छन् ।
उनी ‘नेपाल लिटरेचर फेस्टिभल – २०२४’ मा सहभागी हुन नेपाल आउन लागेका हुन् । उनी ३ देखि ७ फागुनसम्म पोखरामा हुने फेस्टिभलमा सहभागी हुने निश्चित भएको आयोजकले जनाएको छ ।
बर्डको चर्चित पुस्तक ‘अमेरिकन प्रोमेथियस : द ट्रिम्प एण्ड ट्रयाजेडी अफ जे रोबर्ट ओपेनहाइमर’मा आधारित रहेर उक्त फिल्मको निर्माण भएको हो ।
फेस्टिभलमा यही पुस्तक बारे चर्चा हुने छ । आयोजकका अनुसार पुस्तकमाथि बर्डसँग पत्रकार कुन्द दीक्षितले कुराकानी गर्ने छन् ।
फिल्म ‘ओपेनहाइमर’ले ओस्कार पुरस्कारका १३ विधामा मनोनीत भएको छ । यो फिल्मले विश्वभर तहल्का मच्चाएको थियो । उनी एक दशकअघि केही वर्ष काठमाडौँमैं रहेर पुस्तक लेखनमा संलग्न रहेका थिए ।
यो खबर पढेर तपाईलाई कस्तो महसुस भयो ?
प्रतिक्रिया