काठमाडौँ – नेटफ्लिक्सले अन्ततः ‘स्क्विड गेम सिजन २’को फस्टलुक सार्वजनिक गरेको छ । नेटफिल्क्सले बिहीबार आफ्नो प्लाटफर्ममा सन् २०२४ मा स्ट्रिमिङ हुने प्रतीक्षित सिरिज, तिनको रिलिज मिति र फस्टलुक बाहिर ल्याएको छ ।
जसमध्ये ‘स्क्विड गेम सिजन २’ आम दर्शका लागि सरप्राईज नै हो । किनभने यसअघि यो वर्षको अन्त्यमा मात्र स्ट्रिमिङ हुने चर्चा थियो ।
यो सिजनमा गी–हुनले खेलहरू कसरी सुरु भयो र यसलाई राम्रोको लागि रोक्न प्रयास गर्नेबारे जवाफ खोज्नेछन् । नयाँ सिजनले फ्रन्टमेन, द सेल्सफेन र ह्वाङ जुन–होलाई फिर्ता ल्याउने मिसन पनि देखाउने बताईएको छ ।
तीन वर्षअघि रिलिज भएको यो दक्षिण कोरियाली ‘सर्भाइभल ड्रामा’ले विश्वभरका लाखौँ दर्शकलाई मोहित बनाएको थियो ।
ह्वाङ डोङ–ह्युक निर्देशित यो सिरिज पुँजीवादको लुकेको संसारमा आधारित छ, जहाँ ४ सय ६५ खेलाडीहरू बाल्यकालको खेलको शृङ्खलामा पैसाको लडाइँमा मृत्युको लागि हताश छन् ।
यो खबर पढेर तपाईलाई कस्तो महसुस भयो ?
प्रतिक्रिया