काठमाडौँ–हालै सार्वजनिक गरिएको स्मार्टफोन वान प्लस १२ को नेपाली बजारमा पनि प्रि– बुकिङ खुल्ला भएको छ ।
वान प्लसका आधिकारिक वितरकहरू स्मार्ट टेक प्रा.लि. र क्रेटोस टेक्नोलोजिजले वान प्लस १२ सँगै वनप्लस १२ ¥यान्डको प्रि–बुकिङ खुला गरेको हो ।
कम्पनीले नेपाली बजारमा वान प्लस नोर्ड एन ३० एसई स्मार्टफोन समेत सार्वजनिक गरेको छ ।
वान प्लस १२ मा स्न्यापड्रागन एट जेन थ्री फोर एनएम प्रोसेसर रहेको छ भने ५० मेगापिक्सेलको ट्रिपल ह्यासलब्लाड क्यामेरा दिइएको छ ।
१६ जीबी र्याम तथा ५१२ जीबी इन्टर्नल स्टोरेज भेरियन्टमा उपलब्ध हुने यो फोनको मूल्य एक लाख ३९ हजार ९९९ रुपैयाँ कायम गरिएको छ ।
फोन प्रि बुकिङ गर्ने ग्राहकले १२ हजार ४९० रुपैयाँ बराबरको वान प्लस बड्स थ्री निःशुल्क पाउनेछन् ।
त्यस्तै वान प्लस १२ आर पनि १६ जीबी र्याम छ भने २५६ जीबी स्टोरेज दिइएको छ ।
यो फोनको मूल्य ९० हजार ९९९ रुपैयाँ रहेको छ भने प्रि अर्डर गर्दा चार हजार ९९० रुपैयाँ बराबरको वनप्लस बुलेट वायरलेस जेड टु इयरफोन उपहार पाइनेछ ।
त्यस्तै ४ जीबी र्याम तथा १२८ जीबी स्टोरेज भेरियन्टमा उपलब्ध हुने वान प्लस नोर्ड एन ३० एसइको मूल्य भने २६ हजार ४९९ रुपैयाँ तोकिएको छ ।
यो खबर पढेर तपाईलाई कस्तो महसुस भयो ?
प्रतिक्रिया