रणवीर र आलियाले राहालाई सार्वजनिक गरेपछि के भने महेश भट्टले ?

काठमाडौं – रणवीर कपुर र आलिया भट्टले डिसेम्बरमा क्रिसमसको अवसरमा छोरी राहाको अनुहार सार्वजनिक गरेका थिए । रणवीर कपुर र आलिया भट्ट आफ्नी छोरीका साथ पापाराजीको अगाडि आए र उग्र पोज दिए। यो रणवीर–आलियाको फ्यानका लागि ठूलो उपहार थियो ।

यो देखेर सबै अचम्ममा परे । राहाका हजुरबुवा अर्थात् आलिया भट्टका बुवा महेश भट्ट पनि छक्क परेका थिए । अहिले उनले यस विषयमा आफ्नो प्रतिक्रिया दिएका छन् ।

हालै एक अन्तर्वार्तामा महेश भट्टले राहा परिवारको सबैभन्दा नयाँ स्टार भएको बताएका थिए । घर जाँदा सबैजना ब्याकग्राउन्डमा बस्छन् तर राहाले सबैको ध्यान खिच्छिन् । गत वर्ष क्रिसमसको समयमा, रणवीर र आलियाले पहिलो पटक छोरीसँग फोटो खिचेपछि फ्यानहरू छक्क परेका थिए। करिब एक वर्षको प्रतिक्षापछि आलिया र रणवीरले राहालाई मिडियासँग सार्वजनिक गरेका हुन् ।

फिल्म निर्माता महेश भट्टले आलिया र रणवीरले राहालाई मिडियासामु ल्याएर धेरै हल्ला नगर्न भनेका छन् । आलिया र रणवीरको वर्कफ्रन्टको कुरा गर्दा गत वर्ष रणवीर ‘एनिमल’ मा देखिएका थिए भने आलिया ‘रकी और रानी की प्रेम कहानी’ मा देखिएकी थिइन् । दुबै स्टारले भर्खरै आ आफ्नो फिल्मका लागि उत्कृष्ट अभिनयको लागि फिल्मफेयर अवार्ड पाएका छन् ।