काठमाडौँ– बलिउड सुपरस्टार सलमान खानसँग फिल्म ‘वान्टेड’ मा देखिएकी महक चहलले फिल्ममा आइटम नम्बर रुपमा शाइनाको भूमिका निर्वाह गरेपछि रातारात चर्चामा आइन् ।
त्यसपछि भने उनी फिल्म उद्योगमा खासै चर्चा कमाउन सकिनन् । १ फेब्रुअरी १९७९ मा नर्वेमा जन्मेकी महकले आज आफ्नो ४५ औँ जन्मदिन मनाइरहेकी छन् ।
महकले आफ्नो २२ वर्ष लामो फिल्म करियरमा धेरै हिन्दी, पञ्जाबी, बंगाली र साउथ फिल्ममा काम गरिसकेकी छन् ।
करिना कपुरको फिल्म ‘चमेली’ बाट आइटम नम्बरबाट सुरुवात गरेकी महकले हिन्दी सिनेमामा धेरैजसो आइटम नम्बरमा देखिएकी छन् ।
अभिनेत्री रियालिटी शो ‘बिग बोस ५’ मा फस्ट रनरअप समेत भएकी महक एकता कपूरको शो ‘नागिन ६’ पछि भने इन्डस्ट्रीबाट गायबजस्तै भएकी छन् ।
तर, उनी सामाजिक सञ्जालमा निकै सक्रिय नै देखिएकी छन् ।
यो खबर पढेर तपाईलाई कस्तो महसुस भयो ?
प्रतिक्रिया